சிறிய பாடசாலையாக ஆரம்பித்த எமது யா/புலோலி மெ.மி.த.க. பாடசாலை இன்று தரம்-II பாடசாலையாகத் தரம் உயர்த்தப்பட்டு கல்வி அபிவிருத்தியிலும் ஏனைய இணைப்பாட விதானச் செயற்பாடுகளிலும் மேம்பட்டு நிற்கின்றது. வரலாற்றுப் பெருமை கொண்ட இப் பாடசாலைக்கு அதிபர் பொறுப்பை ஏற்றுக்கொள்ள எனக்கும் சந்தர்ப்பம் கிடைத்தமையை இட்டு நான் மிகவும் பெருமையடைகின்றேன்.இன்றைய நவீன உலகின் போக்கோடு எமது சிறார்களையும் இணைத்து எதிர்காலச் சவால்களை எதிர்கொள்ளும் ஆற்றல் கொண்டவர்களாக மாற்றியமைப்பதை நோக்காகக் கொண்டே எமது முகாமைத்துவச் செயற்பாடுகள் நகர்ததப்பட்டுக் கொண்டிருக்கின்றன. அந்தவகையில் 2009 ம் ஆண்டிலிருந்து எமது பாடசாலையில் தகவல் தொடர்பாடல் தொழினுடபம் தரம் 10 இல் ஆரம்பிக்கப்பட்டது. அதன் பயனாக இன்று எமது பாடசாலையும் இணையத்தள வாயிலாக உலகுடன் தொடர்பு கொள்ள வாய்ப்புக்கிடைத்தமை எமக்கு ஒரு வரப்பிரசாதமாகும். இதன் மூலம் எமது பாடசாலைத்தேவைகளை உலகறியச் செய்து அதனூடாக அவற்றை நிறைவு செய்து கொள்ளவும் எமது முன்னேற்றம் பற்றி எடுத்துக் கூறவும் சந்தர்ப்பம் கிட்டியுள்ளது.எனவே எமது பாடசாலையின்  இணையத்தளத்ததைத் தரிசித்து எமது தேவைகளைப் பூர்த்தி செய்ய உதவுவதுடன் எமது பாடசாலையின் அபிவிருத்திப் போக்கினை அவதானித்து ஆக்கபூர்வமான கருத்துக்களையும் வழங்கியுதவுமாறும் அன்புடன் வேண்டுகின்றேன். மேலும் இவ் இணையத்தளத்தினை உருவாக்கித்தந்த தகவல் தொடர்பாடல் மாணவர்களுக்கும் அவர்களை வழிப்படுத்திய திரு.தி.சுபாகரன், திருமதி.செல்வரஞ்சனி குபேந்திரன் ஆகிய எமது ஆசிரியர்களுக்கும் எனது நன்றிகளையும் தெரிவித்துக் கொள்கின்றேன்